Saturday, April 28, 2012

Gua lan Pondok Pesantren Perut Bumi ing Tuban

Pondok Pesantren Perut Bumi Maulana Maghribi Tuban Jawa TimurYen biasane mesjid manggon ing nduwur lemah, mangka ing Tuban, Jawa Timur, ana sawijining tempat ibadah sing letake ora umum: ing njero bumi. Mesjid gua iki, sing uga sekaligus dadi pesantren, dijenenengi Pondok Perut Bumi Al-Maghribi.

Terus terang, aku durung pernah mlebu ing mesjid kuwi sanajan aku tau manggon Tuban nganti petang taun.

Lha, dino Selasa wingi aku budhal menyang Tuban karo Jhony. Tujuan awale lunga marang Tuban mung kanggo tuku obat ing apotek, nanging nalika sepeda motorku ngliwati dalan Gedongombo, Jhony nyawang pesantren sing temboke ditulis Araban lan dibentuk kaya dhene monumen ing Canberra, Australia.

Jhony usul supaya dheweke disudohake panggonan kuwi. Sawise aku oleh obat saka apotek lan sadurunge muleh ing Blimbing, aku ngampirake Jhony ing Pondok Pesantren Perut Bumi.

Iki bakal dadi kunjungan pertama ora mung kanggo Jhony tapi uga kanggo aku dhewe.

Cah enom, sarungan batik lan kaosan abang, ngadek ing pinggir lawange gua, nyambut para tamu, termasuk aku lan Jhony. Lawange ditulisi "Wajib salam. Sandal harap dilepas."

Aku mung ngucap salam ing njero ati, nyopot sandalku, lan mlungkah mlebu. Jhony ngisi Rp10.000 ing kotak amal.

Gua Perut Bumi iki dibangun taun 2002 karo pengasuh pesantren kuwi, KH Subhan Mubarok. Dheweke ngedekno pondok iki nganggo dhuwite dhewe lan nganggo rancangane dhewe.

Ukir-ukiran ing temboke dihias ayat-ayat Qur'an, kaligrafi lan huruf-huruf Arab sing dikluwengi bentuk kotak, segitiga utawa bunderan.

Sabenere nalika nyawang desain gua sing apik kuwi, aku kepengin njepret siji-loro foto, nanging plang ing temboke muni ngene: Dilarang ambil gambar, merokok dan buang sampah.

"Mangga sareng-sareng lenggah lan istighasah," sawijining kiyai nggiring pengunjung ing mesjid.

Ora kaya dhene ing njero gua, masjid Perut Bumi seger lan ora pengap. Bancike dipasang keramik, lan ing tembok-temboke diwenehi lampu, kipasangin lan watu hiasan.

Aku lan Jhony mung lunggah lan plonga-plongo sawetara wong-wong liyane padha ngucap dzikir. Aku lan Jhony dudu anggota Nahdlatul Ulama, sawijining organisasi Islam paling gedhe ing Indonesia, dadi istighasah kuwi ritual anyar kanggoku lan kanggo Jhony.

Ing ngarep para jama'ah, wong enom klambinan puteh mulai khotbah. Dheweke nyeritaake riwayat gua Perut Bumi. "Mbiyen panggonan niki dadi sarangipun setan, ula lan lelembut. Lan teng Tuban mriki pusate para wali," jare wong klambinan puteh kuwi.

Ruangan mesjid bisa nampung 600 wong. Gua iki uga diarani gua Putri Ayu amarga ana sosok putri lelembut sing iseh manggon kono. Miturut KH Subhan, Syaikh Maulana Maghribi, sawijining wali Islam, pernah nginjakake tlincak sikile ing gua kuwi. Lha iku dadi awal penciptaane jeneng Pondok Pesantren Perut Bumi Al-Maghribi. Maulana Maghribi urip kira-kira ing abad 14.

Penggarapan pondok pesantren wis ngentekake biaya luwih saka 1,5 milyar. Lan sanajan gua iki dihias nganti apik-semlawik, kiyaine ora gelem yen panggonan kuwi disebut tempat wisata.


Search using google below
(Cari dengan Google--Ketik kata kunci dalam kotak)


Related Posts:

8 comments:

Data Center said...

bgus banget gan! ane seumur2 baru nemu yg kontennya bahasa jawa smua, keren! patut ditiru nih agan yg pnya blok ini

Jasa Pembuatan Website said...

masjidnya mantab banget ya, nice info thanks

anotherorion said...

tau ndeleng tapi nang tipi thok nyong kang, urung tau tekan maring kono soale

pulsa said...

lebih seru lagi ada translate-annya nih, biar sambil belajar, hehee keren !

Dul baridul said...

Mau sedikit comentar ah,


pripun pak 4 thn manggon nang tuban tpi mbe weruh saiki.


tapi mantap postinganya pak,informasi yang sangat manfaat.

Jun Day said...

blognya bagus,salam kenal

kunjungi website kami

www.jundix.com dan www.chandrila.com

thax

Gunt said...

blog-e apik banget....
sing kepengin duwe lagu pernikahan, klik http://composeramatir.blogspot.com/2013/07/cara-pemesanan-lagu.html

Aim kusumawardana said...

Mantap master,informasinya,.buat nambah wawasan..

Post a Comment [ Pop-up Comment Window ]

All comments are welcome as long as they are in English, Bahasa Indonesia and Javanese. (Utk pengguna ponsel, silahkan klik Pop-Up Comment Window diatas bila kesulitan dg kotak komentar dibawah)

Jika masih kesulitan, maka pilih Name/URL. Lalu masukkan Nama dan alamat situs Anda

Catatan: Pengkopian sebagian atau keseluruhan dari artikel ini diperbolehkan dan tanpa perlu ada ijin. Namun Anda harus mencantumkan, "sumber tulisan diambil dari http://davidjuly.blogspot.com"

Follow this blog via Facebook