Friday, June 28, 2013

Pelaku bom bunuh diri Poso saka desa Blimbing, Lamongan

Arif Petak Zainul bom Poso LamonganPulohan wong jenggoten nganjir ing gang Gedong, kelurahan Blimbing, kabupaten Lamongan, Jawa Timur, ngenteni tekane jenazah Zainul Arifin. Ing lawange gang, ana tulisan "Selamat datang mujahid Poso." Sakwentara Polisi, wartawan lan atusan warga ngumpul ing kiwa tengene dalan gede.

Aku lan Jhony Ahmad bejo bisa nyelinep mlebu ing gang cilik kuwi, sing dadi dalan kanggo omahe Zainul Arifin. Wiwit esuk sadurunge jenazah teka, polisi lan wartawan ora diijinake mlebu gang. "Mereka najis dan kafir," jare sawijining wong sing celanane cingkrang.

Zainul Arifin nglakoni bom bunuh diri ing Mabes Polri Poso, Sulawesi Tengah, tanggal 3 Juni winginane. Arep ngebom polisi, dheweke malah mbeldoske awake dhewe; aparat ora kecipratan geni babar blas.

Zainul Arifin saben dina dodolan jamu herbal ing omahe lan kopi ideran ing Tempat Pelelangan Ikan (TPI) Brondong. Bojone sing umure 23 taun, Fatimah Nafisah, lagi mbobot pitung wulan nalika Arifin ninggal seda. Dina iki, Selasa 25 Juni, Fatimah mung bakal nyawang sirahe Arifin -- bom sing ngalung ing awake wis ngancurleburake anggota badane.

Sawise jam-jaman ditenteni, mobil sing nggawa mayite Arifin akhire teka jam 10 esuk. Petine dientokke saka mobil, lan suara takbir langsung muni ing kana-kene: Allahuakbar. Banter banget suarane. Dalan gang ditutup nganggo pagar betis. Saka kupingku, aku krungu sawijing anggota kuwi mbengok, "Polisi kalah. Mujahidin menang," kaya dene bengokane cah cilik.

Sanajan aku dudu anggota kelompok keras kuwi, aku diterima mlebu ing gang lan dikira balane, paling amarga aku nduwe jenggot thithik sing kelalen ora dakcukur seminggu iki. Aku uga njepret foto lan video saka gerumbulan sing ngeklaim awake mujahidin kuwi.

"Baunya harum dan wajahnya berseri," muni sawijining wong lanang ing ngarep omahe Arifin. "Beliau telah syahid. Jasadnya dijaga oleh Allah. Beliau ditahan 23 hari, tapi jenazahnya masih utuh dalam bentuk yang baik. Jasad orang biasa semestinya sudah busuk."

Ora ana sing nduwe kesempatan nyawang langsung mayite kejaba keluarga lan wong-wong sing parek. Nanging ing Facebook, pengguna kelawan jeneng I'mNot-a Barbie I'm-a Neqabie ngunggah foto mayit ing keadaan sawise ledakan lan keadaan 23 dina. Pengunggah gambar iki kayake wong sing cedhak karo keluargane Arifin.

Zainul Arifin mayat Blimbing Paciran bunuh diri

Mayite Arifin dishalati ing masjid Darussalam, Blimbing, sing panggonane sekitar 150 meter saka omahe.

Arifin lahir tanggal 26 Juni 1979 lan dikubur ing pemakaman Watu Pokak tanggal 25 Juni, persis sedina sadurunge ulang tahune. Warga Blimbing kenal Arifin sebagai wong meneng. Dheweke pethuk karo bojone, Fatimah, ing Pesantren Al-Ikhlash, Sedayulawas. Ing sekolahan, menurut kanca kelas Yoyok Edi, Arifin kuwi ora pati pinter. Dheweke lulusan SMP Paciran taun 1994 lan prestasine biasa-biasa bae.

Penafsiran kang keliru marang teks Islam wis ngubah cara pandange Muslim ing praktik agamane, semana uga ing praktik jihad. Wong-wong ngonoku ora bisa mbaur kalian masyarakat. Wong-wong ngonoku nggawe jama'ah dhewe nalika shalat. Aku sedeh nyawang korban kaya Zainul Arifin, sing mati ing pola pikir kang cethek -- pikiran sing nganggep polisi mungsoh, pikiran sing nganggep wong sakjabane kelompok berarti kafir, pikiran sing ngira yen beda iku kudu diremukna.

Waca ing basa Inggris: Zainul Arifin, another suicide bomber from Lamongan


Search using google below
(Cari dengan Google--Ketik kata kunci dalam kotak)


Related Posts:

9 comments:

Ajik Al-Jawi said...
This comment has been removed by the author.
Ajik Al-Jawi said...

Maca kabar mangkene iki bisaku mung ngelus dhadha, ngrasakake sesek. Sesek meruhi kahanan sedulur-sedulur muslim isih akeh sing nganut pemahaman radikal. Dheweke padha nduweni cita-cita dhuwur ngangkat jeneng Islam, nanging keblinger lan salah arah. Banjur ora sadhar wektu iku uga sejatine dheweke malah njlomprongake Islam. Dheweke wis ndadekake sunah-sunah Islam sing (kayata jenggot lan celana cingkrang) dadi asor. Amarga masyarakat umum banjur nyimpulake yen wong-wong muslim sing ngingu jenggot lan nganggo celana cingkrang iku mesthi teroris lan nduweni pemikiran radikal --muga-muga penulis ora nduweni kesimpulan keliru kaya mangkene iki--. Luwih parah maneh menawa ana masyarakat sing nyimpulake yen teroris iku wis mesthi wong Islam.

shofiyudin said...

seng nggarai wong akeh do nyimpolno wong islam iku teroris yo yo wong seng macem ngunuku........ matine orah mati sahet malah mati sanget........bengak-bengok'e allahuakbar-allahuakbar tapi pikirane keblinger. islam ajor soko wng islam dewe seng cetek pikirane ........ Jelas-jelas islam gak ngajaro koyo nguno , gelani apik'e nabi muhammad seng di tulis no al-qur'an ... bangsane wong koyo ngunuku gak tau moco qur'an sak artine toh piye .? mosok seng di andalo jeggote mbarek jobahe Tok,, nang qur'an yo wes di sebutno Wong seng ngaferno wong liyo seng agomone muslim iku brarti Dewe'e dewe seng kafer.......Bener seng di tulis no qur'an jaman tambah suwe tambah ajor tapi wong islam tambah akeh (akeh tapi keblinger kabeh).. no qur'an yo tik sebuto pas Dajjal metu wong islam akeh tapi seng bener iso di itong mbarek driji kabehe salah kaprah muni islam tapi perbuatane ngejor islam dewe sampek-sampek wong kafer lanyah ngejor wong islam

Anonymous said...

mati kafir

BLIMBING METRO said...
This comment has been removed by the author.
BLIMBING METRO said...

Wis Prei...Mugo2 Gak Ono sing teko Kelurahan Blimbing Maneh Bro.....

Syaikhul Amri said...
This comment has been removed by the author.
akhmad fauzie said...

Hemmm

Tutorial Software said...

Terima kasi sudah berbagi artikel yang sangat bermanfaat, share Sosbok Dofollow dibawah ini :
Sosial Bookmark Indonesia
Daily Health Tips
PARENTING FAMILY
DIGITAL PRODUCT POPULER
Ebook Digital Marketplace

Post a Comment [ Pop-up Comment Window ]

All comments are welcome as long as they are in English, Bahasa Indonesia and Javanese. (Utk pengguna ponsel, silahkan klik Pop-Up Comment Window diatas bila kesulitan dg kotak komentar dibawah)

Jika masih kesulitan, maka pilih Name/URL. Lalu masukkan Nama dan alamat situs Anda

Catatan: Pengkopian sebagian atau keseluruhan dari artikel ini diperbolehkan dan tanpa perlu ada ijin. Namun Anda harus mencantumkan, "sumber tulisan diambil dari http://davidjuly.blogspot.com"

Follow this blog via Facebook