Friday, March 28, 2014

Guru SMP Paciran dicekel polisi gara-gara partai anyar

Polisi nyekel Ahmad Dzawil Huda, guru SMP Negri 1 Paciran, Jum'at esuk mau mergane dheweke nggawe partai anyar lan wani masang banner uga baliho. Dzawil njenengi partaine Rahmatan Lil Alamin utawa disingkat PRA.

Senajan partai iki ora kedaftar ing kementerian, dheweke nekat mromosiake terang-terangan ing masyarakat Paciran, panggonan sing terkenal karo kesalehane. Ana telong banner lan siji baliho sing dipasang pinggir omahe.

Ahmad Dzawil, sing ngulang seni rupa ing SMP Negeri 1 kuwi, nempleki foto awake ing banner partaine lan nulisake visi lan misine, uga ngewenehi gambar bedhil AK4 karo bendara Araban lan gambar pedang. Banner iki disita polisi kanggo barang bukti.

Nalika polisi marani omahe ing Kandang Semangkon, Dzawil mengingis lan muni yen partai kuwi guyonan,  mung iseng kanggo plesetan. Mula uni logo partane: Berjuang untuk kesejahteraan keluarga. Iku supaya keluargane mileh siji pemimpin sing bener lan temen kanggo rumah tangga, yaiku awake dhewe.

Soal bendera lan tulisan Arab kuwi, Jare Dzawil iku inspirasi saka kisruhe ndunya, lan ora ana maksud tertentu sing diusung dheweke lewat tulisan lan bendera kuwi. Kisruh ndunya, minurut Dzawil, ora perlu diselesaiake karo gaman, bedhil utawa bom. Gambar senjata loro kuwi ngelingno yen manungsa bisa tentrem yen siji karo liyane ora serang-serangan.

Lha jeneng Rahmatan Lil Alamin (PRA) nggambarake yen Islam agama kang rahmat kanggo alam semesta. Dzawil mbela awake nalika polisi ngandani yen baliho kuwi nggawa pengaruh kanggo ketenteraman masyarakat. "Aku mung masang banner ing lingkungan omahku," jare Dzawil, ora terima yen dheweke dianggep gawe rusuh.

Saben dinane, saliyane ngulang sekolah, Dzawil nglukis ing omahe, lan dheweke nganggep tindakan nggawe partai kuwi ungkapan saka jiwa senine sing kepengen dheweke tuangno ben atine lega. Nanging kanggo masyarakat, tindakan iki ngganggu ketertiban umum lan gawe resah.

Apa kowe ngweruhi banner iki nalika liwat ing Kandang Semangkon?

Foto Ahamd Dzawil Huda nalika nunjukake banner Partai Rahmatan Lil Amamin


Search using google below
(Cari dengan Google--Ketik kata kunci dalam kotak)


Related Posts:

3 comments:

Tryout Online said...

hehee./..blognya agak unik..pakai bahasa daerah...

Tutorial Software said...

Terima kasi sudah berbagi artikel yang sangat bermanfaat, share Sosbok Dofollow dibawah ini :
Sosial Bookmark Indonesia
Daily Health Tips
PARENTING FAMILY
DIGITAL PRODUCT POPULER
Ebook Digital Marketplace

Guru baik hati said...

Byuh, blog iki kok nggae boso jowo rek, kerennnn

Post a Comment [ Pop-up Comment Window ]

All comments are welcome as long as they are in English, Bahasa Indonesia and Javanese. (Utk pengguna ponsel, silahkan klik Pop-Up Comment Window diatas bila kesulitan dg kotak komentar dibawah)

Jika masih kesulitan, maka pilih Name/URL. Lalu masukkan Nama dan alamat situs Anda

Catatan: Pengkopian sebagian atau keseluruhan dari artikel ini diperbolehkan dan tanpa perlu ada ijin. Namun Anda harus mencantumkan, "sumber tulisan diambil dari http://davidjuly.blogspot.com"

Follow this blog via Facebook